送了只翡翠镯子过去，春秀邪气满意，正等牢侬呢！
侬下楼辣吴阿姐埃搭，拿上另外一只镯子送过去，好事要成双成对嘛！”
莫小刀满脸感激：“英姐办事老周到额，小刀邪气佩服！那我去哉伐？”
“快得去呀，覅让春秀妹子等忒长辰光。”
笑声中送走莫小刀，卢文英止住笑，缓了缓面皮，闭目休息片刻，方才吩咐说：
“来宁！屋里厢茶具侪换掉，吾个象牙烟枪端过来，装好辽土服侍着，吴阿姐！喊西宝阿哥过来聊闲话。”